Чым больш я на сьвеце і жыў і мадзеў –
ішачыў, цярпеў і змагаўся, –
тым болей да праўды дабрацца хацеў,
да праўды ўсім духам ірваўся.
З хлусьні і з абману, з аблуды сьляпой –
да праўды, да праўды штосілы!
Да самай вялікай, галоўнай, да той,
што кожнага лучыць з усімі.
I вось яна ўрэшце адкрылася мне –
ні чым не прыкрытай паўстала.
У поўнай істоце. Ва ўсёй галізьне.
...I праўда мяне зруйнавала.
Студзень, 2007 г.
|
|
